Almatydaǵy úsh joǵary oqý orny "jarylǵysh zat qoiyldy" degen habardan keiin shuǵyl tekserildi, dep habarlaidy dalanews.kz.
Almaty Politsiia departamentine qalanyń ár aýdanynda ornalasqan úsh joǵary oqý ornyna jarylǵysh zat qoiylýy múmkin ekeni týraly aqparat túsken.
Oqiǵa ornyna shuǵyl qyzmetter jiberilgen. Mamandar qaýipsizdik sharalaryn saqtai otyryp, ǵimarattar men olarǵa irgeles aýmaqty tolyq teksergen.
"Tekseris nátijesinde jarylǵysh zat qoiylǵany týraly aqparat rastalmady. Qaýipti zattar tabylǵan joq", - dedi Almaty Politsiia departamenti ókilderi.
