Óskemen qalasynyń turǵyny Kamir Nurǵaliev Reseide joǵalyp ketken. Týystarynyń aitýynsha, ol sońǵy ret habarlasqanda politsiia qyzmetkerleri ózine qysym kórsetip, qylmystyq qýdalaýmen qorqytý arqyly Ýkrainaǵa qarsy soǵysqa qatysý týraly kelisimshartqa qol qoiýǵa májbúrlegenin aitqan, dep habarlaidy dalanews.kz.
Keibir málimetterge sáikes, qazir ol Rostov oblysynyń Millerovo qalasyndaǵy 78568 áskeri bóliminde bolýy múmkin. Jas jigit Qazaqstan diplomattarynan óziniń qaida ekenin anyqtap, elge oralýyna kómektesýdi suraǵan.
19 jastaǵy Kamirdiń anasy Alena Nurǵalievanyń aitýynsha, uly onymen sońǵy ret 14 qazanda bailanysqa shyqqan. Eki kúnnen keiin ol Telegram arqyly anasynyń jienine basqa adamnyń akkaýntynan qońyraý shalǵan.
Týystarynyń málimetinshe, 13–15 qazan aralyǵynda Reseidiń Ýlianovsk qalasynda Kamir men onyń dosyn kóshede shaǵyn avtobýspen kelgen belgisiz adamdar toqtatqan.
