Tarlan Astana iske qosylǵaly beri qansha jolaýshy tasymaldanǵany belgili boldy. Bul týraly qala ákimi Jeńis Qasymbek málimdedi, dep habarlaidy dalanews.kz.
Tarlan Astana jeńil relsti kólik júiesi iske qosylǵaly beri jolaýshylar tasymalynyń kólemi 11,5 millionǵa jýyqtaǵan.
"Bul kólik túri qala turǵyndary arasynda suranysqa ie bolyp, olardyń kúndelikti ómiriniń bir bóligine ainalyp keledi", - dedi ákim.
Onyń sózinshe, qazir qurylys jumysy birneshe baǵyt boiynsha júrip jatyr:
- Qosshy qalasyna qarai
Tirekterdi, estakadalyq qurylymdar men stantsiialardy salý boiynsha qurylys-montaj jumysy júrip jatyr. Qazirgi ýaqytta 294 tirek (97%) ornatylyp, 385 estakadalyq qurylym (73%) montajdaldy. 2026 jyldyń sońyna deiin №401, 402 jáne 403 stantsiialarda betondaý jumysyn aiaqtaý josparlanyp otyr. Bul baǵytta barlyǵy úsh stantsiia salý kózdelgen.
- Jaǵalaý shaǵynaýdanyna qarai
Joba aiasynda segiz stantsiia salý kózdelgen. Geologiialyq zertteý jumysy aiaqtaldy. Qazirgi ýaqytta qorshaýlar ornatý, sondai-aq qurylys-montaj jumysyn bastaý úshin injenerlik jelilerdi kóshirý jáne qaita ornatý jumysy júrip jatyr.
- "Astana-1" temirjol vokzalyna qarai baǵyt (oń jaǵalaý)
Bul baǵytta №201 aýysyp miný stantsiiasyn esepke alǵanda, toǵyz stantsiia salý kózdelgen. Geologiialyq zertteý jumysy aiaqtaldy.
- Syǵanaq dańǵylynyń boiynda (Qabanbai batyr men Turan dańǵyldarynyń arasyndaǵy ýchaskede) №201/301 stantsiialarynyń aýysyp miný torabyn salý jumysy júrip jatyr.
- Qazaq radiosy kóshesi men Qabanbai batyr dańǵylynyń arasyndaǵy ýchaskede eki tirekke beton quiý jumysy aiaqtaldy. Sondai-aq qadalar men arqalyqtardy ornatý jumysy júrip jatyr. Ózge ýchaskelerde aldaǵy qurylys-montaj jumysyna daiyndyq júrgizilip jatyr.
