Shymkentte esirtki saqtaýǵa qatysty aqparatty tekserý kezinde politsiia qyzmetkerleri memlekettik nómiri joq KIA Cerato kóligin toqtatyp, salonnan qara izolentaǵa oralǵan zat tapqan, dep habarlaidy dalanews.kz.
Polites News redaktsiiasynyń málimetinshe, oqiǵa 19 qazanǵa qaraǵan túni saǵat 00:15 shamasynda Báidibek bi dańǵylynyń qalaǵa kireberis tusynda bolǵan. Shymkent qalalyq politsiia departamentiniń Uiymdasqan qylmysqa qarsy kúres basqarmasynyń (ÝBOP) qyzmetkerleri esirtkini zańsyz saqtaý týraly aqparatty teksergen.
Olar memlekettik nómirlik belgileri joq KIA Cerato kóligin toqtatqan. Politsiia qyzmetkerleri júrgizýshi men jolaýshylardy teksermek bolǵan kezde, júrgizýshi kólikpen ketýge árekettengeni aitylady. Sondai-aq ol ÝBOP qyzmetkeriniń kóligin soǵyp, fizikalyq qarsylyq kórsetken degen aqparat bar.
Kólik arnaiy jedel áreket etý jasaǵynyń (SOBR) kómegimen toqtatylǵan.
Kólikte kimder bolǵan?
Basylymnyń málimetinshe, kólik salonynda úsh adam bolǵan. Júrgizýshi Shymkent qalalyq politsiia departamenti Eńbekshi aýdandyq politsiia basqarmasynyń qoǵamdyq qaýipsizdik bóliminde jumys isteitin inspektor bolǵan. Al alǵashqy jolaýshy júrgizýshini jaqyn tanysy retinde sipattaǵan. Ekinshi jolaýshy týraly aqparat jariialanbaǵan.
Qara izolentaǵa oralǵan zat tabyldy
19 qazanda atalǵan oqiǵaǵa bailanysty Qazaqstan Respýblikasy Qylmystyq kodeksiniń 296-babynyń 2-bóligi boiynsha qylmystyq is qozǵalǵan. Bul bap esirtki quraldaryn ótkizý maqsatynsyz zańsyz saqtaǵany úshin jaýapkershilikti kózdeidi.
Tintý kezinde kóliktiń artqy bóligindegi edennen qara izolentaǵa tolyq oralǵan zat tabylǵan. Aldyn ala boljam boiynsha, onyń esirtki bolýy múmkin. Zattyń naqty quramy saraptama qorytyndysynan keiin anyqtalady.
Kólik kimge tiesili?
Oqiǵa ornyna Politsiia departamentiniń Ózindik qaýipsizdik basqarmasy men Jeke quram jónindegi inspektsiia qyzmetkerleri kelgen. Tekserý barysynda kóliktiń qyzmettik ekeni anyqtalǵan. Ol Shymkent qalalyq politsiia departamenti Eńbekshi aýdandyq politsiia basqarmasy bastyǵynyń orynbasary, politsiia maiorynyń atyna bekitilgen.
Alaida jariialanǵan málimette politsiia maiorynyń oqiǵaǵa qatysy bar ekeni týraly aqparat joq. Jol-kólik oqiǵasyn rásimdeý úshin jol politsiiasy shaqyrylǵan.
