Dúisenbide Túrkiianyń eń iri qalasy Ystambul men onyń mańynda sý tasqynynan qaza tapqandar sany segizge jetti. Keiingi 80 jyldan asa ýaqyttaǵy qatty nóserden keiin qutqarýshylar taǵy birneshe adamnyń súiegin tapty, dep habarlaidy dalanews.kz.
Ystambul gýbernatory Davýt Gúl alty adam qalanyń ózinde kóz jumǵanyn aitty. Taǵy eki adamnyń súiegi megapolistiń ońtústik-shyǵysyndaǵy shetki aýdandardan tabylǵan.
"Kodjaeli provintsiiasynda izdestirý-qutqarý toptarymyz sý tasqyny Pendik aýdanyna deiin alyp ketken eki adamnyń súiegin tapty. Osylaisha, olardyń sany segizge jetti", - dedi gýbernator. Onyń aitýynsha, iz-tússiz joǵalǵan taǵy bir adamdy izdeý jumystary jalǵasyp jatyr.
14 qazanda qalada nóser jaýyn jaýyp, tirshilikke kedergi keltirip, aiaq astynan sý tasqynyna ulasty. Tabiǵi apat kezinde túsirilgen kadrlarda sý kólikter men adamdardy aǵyzyp áketkeni kórinedi.
