دٷيسەنبٸدە تٷركييانىڭ ەڭ ٸرٸ قالاسى ىستامبۇل مەن ونىڭ ماڭىندا سۋ تاسقىنىنان قازا تاپقاندار سانى سەگٸزگە جەتتٸ. كەيٸنگٸ 80 جىلدان اسا ۋاقىتتاعى قاتتى نٶسەردەن كەيٸن قۇتقارۋشىلار تاعى بٸرنەشە ادامنىڭ سٷيەگٸن تاپتى, دەپ حابارلايدى dalanews.kz.
ىستامبۇل گۋبەرناتورى داۆۋت گٷل التى ادام قالانىڭ ٶزٸندە كٶز جۇمعانىن ايتتى. تاعى ەكٸ ادامنىڭ سٷيەگٸ مەگاپوليستٸڭ وڭتٷستٸك-شىعىسىنداعى شەتكٸ اۋدانداردان تابىلعان.
"كودجاەلي پروۆينتسيياسىندا ٸزدەستٸرۋ-قۇتقارۋ توپتارىمىز سۋ تاسقىنى پەنديك اۋدانىنا دەيٸن الىپ كەتكەن ەكٸ ادامنىڭ سٷيەگٸن تاپتى. وسىلايشا, ولاردىڭ سانى سەگٸزگە جەتتٸ", - دەدٸ گۋبەرناتور. ونىڭ ايتۋىنشا, ٸز-تٷسسٸز جوعالعان تاعى بٸر ادامدى ٸزدەۋ جۇمىستارى جالعاسىپ جاتىر.
14 قازاندا قالادا نٶسەر جاۋىن جاۋىپ, تٸرشٸلٸككە كەدەرگٸ كەلتٸرٸپ, اياق استىنان سۋ تاسقىنىنا ۇلاستى. تابيعي اپات كەزٸندە تٷسٸرٸلگەن كادرلاردا سۋ كٶلٸكتەر مەن ادامداردى اعىزىپ ەكەتكەنٸ كٶرٸنەدٸ.
