Qytaidyń Pinduoduo saýda platformasy men Claude jasandy intellekt kómekshisin ázirlegen amerikalyq Anthropic kompaniiasy Qazaqstan biýdjetine jalpy somasy 8 mlrd teńge salyq tóledi, dep habarlaidy dalanews.kz.
Qarjy ministrligi Memlekettik kirister komitetiniń málimetinshe, salyqtyq ákimshilendirý nátijesinde Pinduoduo biýdjetke 6,8 mlrd teńge, iaǵni shamamen 15,1 mln dollar aýdarǵan. Al Anthropic kompaniiasy ótken salyq kezeńderi úshin 1,2 mlrd teńge nemese shamamen 2,6 mln dollar tólegen.
Vedomstvonyń habarlaýynsha, Anthropic kameraldyq baqylaý nátijesinde jiberilgen habarlamalardy oryndaǵan. Al Pinduoduo boiynsha tólemniń naqty qai salyq kezeńderine qatysty ekeni naqtylanbaǵan.
Qazaqstanda Farfetch platformasyna qoljetimdilik shekteldi
Memlekettik kirister komiteti salyq talaptaryn oryndamaǵan sheteldik internet-platformalarǵa qatysty sharalar da qoldanylyp jatqanyn habarlady.
Atap aitqanda, Ulybritaniiada tirkelgen Farfetch platformasynyń operatoryna kameraldyq baqylaý nátijeleri boiynsha habarlama jiberilgen. Kompaniia talaptardy oryndamaǵannan keiin Qazaqstan aýmaǵynda onyń internet-resýrsyna qoljetimdilik shektelgen.
Farfetch – tanymal brendterdiń kiimderi, aiaqkiimderi men aksessýarlary satylatyn halyqaralyq onlain-platforma.
Qoldanystaǵy zańnama sheteldik internet-platformalar salyq mindettemelerin oryndamaǵan jaǵdaida olardyń internet-resýrstaryna qoljetimdilikti shekteýge múmkindik beredi. Bul shara tiisti talaptarǵa jatatyn barlyq sheteldik platformalarǵa qoldanylady.
Osylaisha, salyqtyq ákimshilendirý nátijesinde Pinduoduo men Anthropic Qazaqstan biýdjetine qarajat aýdarsa, Farfetch-ke qatysty salyq talaptary oryndalmaǵandyqtan shekteý engizildi.
