Qazaqstanda úsh ai qatarynan 100 nemese odan da kóp adamnan jalpy somasy 1 million 20 myń teńgeden asatyn aqsha alǵan azamattardyń aýdarymdary salyq organdaryna beriledi, dep habarlaidy dalanews.kz.
Qarjy ministrligi Memlekettik kirister komitetiniń málimetinshe, mundai aqparatty ekinshi deńgeili bankter memlekettik kirister organdaryna eki kriterii qatar oryndalǵan jaǵdaida joldaidy.
Atap aitqanda, azamat úsh ai qatarynan 100 nemese odan da kóp ártúrli adamnan aqsha alýy jáne osy kezeńdegi aýdarymdardyń jalpy somasy 1 million 20 myń teńgeden asýy kerek.
Vedomstvonyń túsindirýinshe, azamattardyń aýdarymdaryn irikteý jáne olardyń belgilengen talaptarǵa sáikestigin anyqtaý ekinshi deńgeili bankterge júktelgen. Bul tártip Qarjy ministriniń 2025 jylǵy 12 qarashadaǵy №698 buiryǵymen bekitilgen.
