Qosymsha ashylmai qaldy, mańaida bos kólik joq nemese kútý ýaqyty sozylyp ketti. Ásirese jumysqa, kezdesýge ne áýejaiǵa asyqqanda mundai jaǵdai qolaisyzdyq týdyrady. Degenmen dittegen jerge jetýdiń birneshe balama joly bar. Qazaqstan qalalarynyń turǵyndaryna qandai kólik túrleri qoljetimdi jáne olardy qai kezde paidalanǵan yńǵaily ekenin qarastyryp kóreiik, dep habarlaidy dalanews.kz.
Qoǵamdyq kólik
Avtobýs qala ishinde qatynaýdyń eń qoljetimdi tásilderiniń biri bolyp qala beredi. Jol júrý quny aldyn ala belgili. Al arnaiy jolaǵy bar baǵyttarda avtobýs keide kepteliste turǵan jeńil kólikten de jyldam jetýi múmkin.
Almatyda avtobýspen qatar metro da bar. Ol ásirese qarbalas ýaqytta óte yńǵaily. Metro qozǵalysy joldaǵy kepteliske táýeldi emes, al poiyzdardyń júrý aralyǵy ýaqytty tiimdi josparlaýǵa múmkindik beredi. Astana men basqa qalalarda dittegen jerge tikelei nemese aýysyp miný arqyly jetetin avtobýs baǵytyn tańdaýǵa bolady.
Alaida qoǵamdyq kólik barlyq jaǵdaida birdei qolaily bola bermeidi. Qajetti mekenjai aialdamadan alys ornalassa, qolyńyzda aýyr sómke bolsa nemese úige túnde qaitýǵa týra kelse, basqa nusqalardy qarastyrǵan jón.
Elektrsamokattar men velosipedter
Dittegen jer birneshe shaqyrym jerde bolsa ári aýa raiy qolaily bolsa, elektrsamokatty nemese velosipedti paidalanýǵa bolady. Qysqa qashyqtyqqa qatynaǵanda bul – keptelisti ainalyp ótip, bos kóliktiń tabylýyna táýeldi bolmaýdyń tiimdi tásili.
Mundai kólik túrleri bir-birine jaqyn ornalasqan aýdandar arasynda júrýge, metro stantsiiasyna nemese qoǵamdyq kólik aialdamasyna deiin jetýge ásirese yńǵaily.
Degenmen samokat pen velosiped kez kelgen aýa raiyna jaramaidy. Kólik qozǵalysy qarqyndy ýchaskelerde asa saq bolyp, jol júrý erejelerin saqtaý qajet. Sonymen qatar jalǵa beriletin kólikterdiń qoljetimdiligi jyl mezgili men qalanyń aýdanyna qarai ózgerip otyrady.
Kólik ornyna jaiaý júrý
Eger qajetti mekenjaiǵa jaiaý 15–20 minýtta jetýge bolsa, kólik izdeýdiń qajeti bolmaýy múmkin. Qysqa qashyqtyqta kólik kútý men kepteliste júrýge ketetin ýaqyt jaiaý serýendeýden az bolmaidy.
Onyń ústine jaiaý júrý densaýlyqqa paidaly. Tipti qysqa serýenniń ózi kúndelikti dene belsendiligin arttyrady. Bul, ásirese ýaqytynyń basym bóligin kompiýter aldynda ótkizetin adamdar úshin mańyzdy.
Árine, mundai nusqa aýa raiy qolaily, jol qaýipsiz jáne qolyńyzda aýyr júk bolmaǵan jaǵdaida tiimdi. Keide kólik kútkennen góri, qajetti jerge jaiaý jetý ońaiyraq.
Júrgizýshisi bar kólikke tapsyrys berý
Alysqa barý qajet bolsa, qolyńyzda aýyr sómke bolsa nemese birneshe kólikke aýysyp mingińiz kelmese, saparǵa tapsyrys berý servisin paidalanýǵa bolady. Máselen, inDrive qosymshasynda jolaýshy jol júrý qunyn ózi usynady, al júrgizýshi ony qabyldai alady nemese óz baǵasyn aitady.
Jolaýshy kimmen baratynyn da ózi tańdaidy. Júrgizýshiler usynǵan baǵa men kóliktiń kelý ýaqytyn salystyryp, olardyń reitingi men avtokóligi týraly málimetti kórýge bolady. Osylaisha baǵany ǵana emes, kóliktiń qanshalyqty jyldam keletinin de eskerýge múmkindik bar.
Al jol aqysyn talqylaýǵa ýaqyt jumsaǵysy kelmeitinder úshin inDrive servisinde 2026 jyldyń qazanynan bastap «Saýdasyz» tarifi iske qosyldy. Bul jaǵdaida baǵa belgili bir qaladaǵy aldyńǵy saparlar tarihy negizinde avtomatty túrde eseptelip, tapsyrys rásimdelmei turyp kórsetiledi. Jolaýshy tapsyrysty rastaǵannan keiin júrgizýshini izdeý bastalady. Mundai múmkindik, máselen, jumysqa nemese áýejaiǵa bara jatqanda sapar qunyn aldyn ala bilip, kólikti jyldam izdeýge kirisý úshin qolaily.
Sonymen birge inDrive qosymshasynda baǵany ózara kelisý múmkindigi de saqtalǵan. Sondyqtan jolaýshylar ózderine yńǵaily tapsyrys berý tásilin tańdai alady. «Saýdasyz» tarifi qazir Almaty, Astana, Shymkent, Qaraǵandy, Aqtóbe jáne basqa da oblys ortalyqtaryn qosa alǵanda, Qazaqstannyń 20 qalasynda qoljetimdi.
Sapar qaýipsizdigine de erekshe mán bergen jón. Kólikke otyrmas buryn onyń memlekettik nómiri men markasyn qosymshada kórsetilgen málimetpen salystyryp, júrgizýshi týraly aqparatty tekserý qajet. inDrive servisinde jolaýshy júrgizýshiniń reitingin aldyn ala kóre alady. Sondai-aq sapar barysynda óziniń qai jerde ekenin jaqyndary bilip otyrýy úshin baǵyt týraly málimetpen bólisýge bolady. Qosymshada qaýipsizdik batyrmasy jáne qoldaý qyzmetine habarlasý múmkindigi de qarastyrylǵan.
Degenmen bos júrgizýshilerdiń bolýy men kóliktiń kelý ýaqyty aýdanǵa, táýlik mezgiline jáne suranys deńgeiine bailanysty ekenin eskergen jón.
Birneshe kólik túrin biriktirý
Búkil jolǵa bir ǵana kólik túrin tańdaý mindetti emes. Keide baǵyttyń negizgi bóligin avtobýspen nemese metromen júrip, qalǵan qashyqtyqty jaiaý eńserýge ne saparǵa tapsyrys berý servisin paidalanýǵa bolady.
Mysaly, Almatyda metro arqyly dittegen jerge jaqyn stantsiiaǵa deiin jetip, odan ári inDrive arqyly kólik shaqyrýǵa bolady. Sońǵy mekenjai metrodan alys ornalassa nemese qolyńyzda júk bolsa, bul tásil óte yńǵaily. Júrgizýshilerdiń usynystaryn aldyn ala qaraýǵa nemese sapar qunyn birden bilý úshin «Saýdasyz» tarifin paidalanýǵa múmkindik bar.
Jalpy, kólik tańdaý qashyqtyqqa, aýa raiyna, táýlik mezgiline jáne adamnyń jeke qalaýyna bailanysty. Birde avtobýspen júrgen tiimdi bolsa, endi birde jaiaý barǵan yńǵaily. Al kei jaǵdaida júrgizýshisi bar kólikke tapsyrys bergen jón. Eń bastysy – qala turǵyndarynyń birneshe nusqany salystyryp, naqty jaǵdaiǵa sai keletin tásildi tańdai alýy.
