Qazaqstan Prezidenti Qasym-Jomart Toqaev Marokkonyń Kasablanka qalasynda ótken semserlesýden Álem kýbogy kezeńinde jeńiske jetken ulttyq quramany quttyqtady, dep habarlaidy dalanews.kz.
Qazaqstandyq semserlesýshiler halyqaralyq jarysta top jaryp, el sporty úshin tarihi nátijege qol jetkizdi.
Osy jeńistiń arqasynda ulttyq qurama Halyqaralyq semserlesý federatsiiasynyń (FIE) álemdik reitinginde alǵash ret birinshi orynǵa kóterildi.
Memleket basshysy sportshylardyń halyqaralyq arenadaǵy jetistigin atap ótip, Qazaqstan quramasyna quttyqtaýyn joldady.
Qasym-Jomart Toqaev qazaqstandyq semserlesýshilerdiń aldaǵy ýaqytta da álemniń eń bedeldi jarystarynda tabysty óner kórsetip, elimizdiń kók bairaǵyn biikte jelbirete berýine tilektestik bildirdi.
