Shymkentte qoǵamdyq kólikte júrý qunyn 70 teńgeden 100 teńgege deiin kóterý usynyldy. Qala ákimi Ǵabit Syzdyqbekov mundai ózgeristiń qajettiligin tasymaldaýshylar shyǵynynyń artýymen jáne memlekettik sýbsidiia kólemin ulǵaitý máselesimen bailanystyrdy, dep habarlaidy dalanews.kz.
Bes.media málimetinshe, ákim qoǵamdyq kólikterdiń jolaýshylarǵa lyq tolyp júrýine qatysty shaǵymdarǵa da toqtalǵan. Onyń aitýynsha, qaladaǵy jolaýshylar aǵyny týraly resmi málimetter naqty jaǵdaidy tolyq kórsetpeidi. Buǵan keibir turǵyndardyń jolaqy tólemeýi sebep bolyp otyr.
"Máselen, avtobýsta 100 adam kele jatsa, onyń tek 50-i jolaqysyn tóleidi. Júiede de 50 jolaýshy ǵana tirkeledi. Sonyń nátijesinde biz bul baǵytqa 50 adamǵa arnalǵan avtobýs jetkilikti degen qorytyndyǵa kelemiz. Máseleniń túp-tórkini osynda", - dep túsindirdi Ǵabit Syzdyqbekov.
Sonymen qatar ákim jolaqy qymbattaǵan jaǵdaida da qarttar men jastarǵa qarastyrylǵan jeńildikterdi saqtaý josparlanyp otyrǵanyn jetkizdi.
