Qazaqstan aspanynda apat belgisin bergen S7 Airlines áýekompaniiasynyń Boeing 737-800 ushaǵy Ombyǵa qondy. Bortta 173 jolaýshy bolǵan. Áýekompaniia málimetinshe, ushaq baǵytyn tehnikalyq aqaýǵa bailanysty ózgertken, dep habarlaidy dalanews.kz.
S7 7099 reisi Novosibirden Mahachkalaǵa baǵyt alǵan. Ushý kezinde ekipaj bortta tótenshe jaǵdai týyndaǵanyn bildiretin 7700 belgisin jibergen. Osydan keiin ushaq baǵytyn ózgertip, Reseige qarai bet alǵan.
Flightradar24 deregine sáikes áýe kemesi Qazaqstan aýmaǵynan shamamen 10,4 shaqyrym biikte ushyp ótken. Keiin tómendep, baǵytyn ózgerte bastaǵan. Kókshetaý áýejaiy ókilderiniń sózinshe, ekipaj qonýǵa ruqsat suramaǵan.
7700 belgisi dispetcherlerge bortta tótenshe jaǵdai bolǵanyn habarlaý úshin qoldanylady. Oǵan tehnikalyq aqaý, jolaýshynyń jaǵdaiy nasharlaýy nemese basqa da shtattan tys jaǵdai sebep bolýy múmkin.
