قازاقستان اسپانىندا اپات بەلگٸسٸن بەرگەن S7 Airlines ەۋەكومپانيياسىنىڭ Boeing 737-800 ۇشاعى ومبىعا قوندى. بورتتا 173 جولاۋشى بولعان. ەۋەكومپانييا مەلٸمەتٸنشە, ۇشاق باعىتىن تەحنيكالىق اقاۋعا بايلانىستى ٶزگەرتكەن, دەپ حابارلايدى dalanews.kz.
S7 7099 رەيسٸ نوۆوسٸبٸردەن ماحاچكالاعا باعىت العان. ۇشۋ كەزٸندە ەكيپاج بورتتا تٶتەنشە جاعداي تۋىنداعانىن بٸلدٸرەتٸن 7700 بەلگٸسٸن جٸبەرگەن. وسىدان كەيٸن ۇشاق باعىتىن ٶزگەرتٸپ, رەسەيگە قاراي بەت العان.
Flightradar24 دەرەگٸنە سەيكەس ەۋە كەمەسٸ قازاقستان اۋماعىنان شامامەن 10,4 شاقىرىم بيٸكتە ۇشىپ ٶتكەن. كەيٸن تٶمەندەپ, باعىتىن ٶزگەرتە باستاعان. كٶكشەتاۋ ەۋەجايى ٶكٸلدەرٸنٸڭ سٶزٸنشە, ەكيپاج قونۋعا رۇقسات سۇراماعان.
7700 بەلگٸسٸ ديسپەتچەرلەرگە بورتتا تٶتەنشە جاعداي بولعانىن حابارلاۋ ٷشٸن قولدانىلادى. وعان تەحنيكالىق اقاۋ, جولاۋشىنىڭ جاعدايى ناشارلاۋى نەمەسە باسقا دا شتاتتان تىس جاعداي سەبەپ بولۋى مٷمكٸن.
