قازاقستاندا قارجى نارىعىنىڭ ٶسۋ قارقىنى ايتارلىقتاي تٶمەندەدٸ. 2024-2025 جىلدارى 19-20 پايىز دەڭگەيٸندە بولعان ٶسٸم 2026 جىلدىڭ العاشقى جارتىجىلدىعىندا نەبەرٸ 2,9 پايىزدى قۇراعان. R-Finance كەڭەسشٸسٸ, ەكونوميست ارمان بايعانوۆ مۇنداي ٶزگەرٸسكە نەسيە بەرۋ تالاپتارىنىڭ قاتاڭداتىلۋى ەسەر ەتكەنٸن ايتادى, دەپ حابارلايدى dalanews.kz.
ەكونوميستٸڭ مەلٸمەتٸنشە, بيىلعى العاشقى التى ايدا قارجى نارىعىنىڭ ٶسٸمٸ ەل ەكونوميكاسىنىڭ دامۋ قارقىنىنان دا تٶمەن بولعان. اتاپ ايتقاندا, قارجى نارىعى 2,9 پايىز ٶسسە, جالپى ەكونوميكالىق ٶسٸم 4,1 پايىزدى قۇراعان. ەكونوميكانىڭ 4,1 پايىز ٶسكەنٸن ٷكٸمەتتٸڭ رەسمي دەرەكتەرٸ دە راستايدى.
ال بۇعان دەيٸن جاعداي باسقاشا ەدٸ. 2024-2025 جىلدارى قارجى نارىعى جىل سايىن شامامەن 19-20 پايىز ٶسٸپ, ەكونوميكانىڭ جالپى ٶسۋ قارقىنىنان 3-4 ەسە جوعارى كٶرسەتكٸشكە جەتكەن.
ارمان بايعانوۆتىڭ پٸكٸرٸنشە, 2026 جىلى قارجى نارىعىنىڭ ٶسٸمٸ باياۋلاۋىنا قارجى رەتتەۋشٸسٸنٸڭ نەسيە بەرۋ تەرتٸبٸن قاتاڭداتۋعا باعىتتالعان بٸرقاتار شەشٸمٸ ىقپال ەتكەن.
"2026 جىلى قارجى نارىعىنىڭ ٶسۋ قارقىنىنىڭ باياۋلاۋىنا ۋەكٸلەتتٸ ورگاننىڭ نەسيە بەرۋ تالاپتارىن قاتاڭداتۋ جٶنٸندە قابىلداعان بٸرقاتار شاراسى ەسەر ەتتٸ", – دەيدٸ ەكونوميست.
دەگەنمەن ساراپشى قارجى نارىعىن قاتاڭ رەتتەۋدٸڭ وڭ جەنە تەرٸس تۇستارى بار ەكەنٸن اتاپ ٶتتٸ. ونىڭ تٷسٸندٸرۋٸنشە, نەسيە بەرۋ تالاپتارىن شامادان تىس كٷشەيتۋ ەلدەگٸ ٸسكەرلٸك بەلسەندٸلٸكتٸ تٶمەندەتۋٸ مٷمكٸن. سەبەبٸ مۇنداي جاعدايدا كەسٸپكەرلەر مەن ازاماتتاردىڭ قارىز قاراجاتىنا قول جەتكٸزۋ مٷمكٸندٸگٸ شەكتەلەدٸ.
"قارجى نارىعىن رەتتەۋدٸڭ ەل ەكونوميكاسى ٷشٸن ارتىقشىلىقتارى دا, كەمشٸلٸكتەرٸ دە بار. نەسيە بەرۋ تالاپتارىن شامادان تىس قاتاڭداتۋ ٸسكەرلٸك بەلسەندٸلٸكتٸ تٶمەندەتەدٸ. ال تالاپتاردى جەڭٸلدەتۋ ەسەبٸنەن قارجى نارىعىنىڭ شامادان تىس ٶسۋٸ ينفلياتسييانىڭ كٷشەيۋٸنە جەنە حالىقتىڭ مەرزٸمٸ ٶتكەن نەسيەلٸك بەرەشەگٸنٸڭ ارتۋىنا الىپ كەلەدٸ. سوندىقتان بەلگٸلٸ بٸر تەپە-تەڭدٸكتٸ ساقتاۋ قاجەت", – دەپ ەسەپتەيدٸ ارمان بايعانوۆ.
ەكونوميست قارجى نارىعىن رەتتەۋ كەزٸندە ەكٸ ماڭىزدى مٸندەتتٸ قاتار ەسكەرۋ قاجەت ەكەنٸن العا تارتتى. بٸر جاعىنان, نەسيە بەرۋ تالاپتارى ەكونوميكالىق بەلسەندٸلٸككە كەدەرگٸ كەلتٸرمەۋٸ تيٸس. ەكٸنشٸ جاعىنان, قارىز الۋدى شامادان تىس جەڭٸلدەتۋ حالىقتىڭ بورىشتىق جٷكتەمەسٸن ارتتىرىپ, قارجىلاي تۇراقتىلىققا قاۋٸپ تٶندٸرۋٸ مٷمكٸن.
