Tanymal prodiýser Baian Alagózova Almaty qalasynyń ákimi Darhan Satybaldyǵa rizashylyǵyn bildirdi. Ol shahardaǵy ózgeristerdi joǵary baǵalap, kópten beri armandaǵan bastamasynyń júzege asyp jatqanyn aitty, dep habarlaidy dalanews.kz.
Prodiýser áleýmettik jelide Almatydaǵy eski ǵimarattardyń qasbetteri jańartylyp jatqanyn aityp, qala kelbetiniń ózgergenine qýanyshty ekenin jetkizdi.
Alagózovanyń sózinshe, ol buǵan deiin qala ákimdigine eski úilerdiń syrtqy kórinisin jańartýǵa qarjy bólýdi birneshe ret usynǵan.
"Qurmetti almatylyqtar, qalamyzdyń kelbeti qalai ózgerip jatqanyn baiqadyńyzdar ma? Qarańyzdarshy, qandai tamasha. Barlyq eski úiler jańa úilerge ainalyp ketti. Bul meniń armanym edi. Men birneshe márte ákimshilikke úilerdiń qasbetin rekonstrýktsiia jasaýǵa aqsha jumsaýǵa keńes bergen edim. Bári jóndelip jatyr. Qatty qýanyshtymyn. Ortalyqta júrý kóz qýantady. Tek ortalyqta ǵana emes", – dedi Baian Alagózova.
Óner iesi Almatydaǵy jaryqtandyrý júiesi men ǵimarattardy jóndeý jumystaryna da nazar aýdarǵan.
Onyń pikirinshe, Darhan Satybaldy qala ákimi qyzmetine kiriskennen keiin birqatar oń ózgeris baiqalǵan.
"Darhan Satybaldy kelgeli beri bizdiń qalamyz qatty ózgere bastady. Aldymen jaryq bola bastady. Jaryqtandyrý óte qatty ózgerdi. Eń qorqynyshty núkte – jańa alańda edi. Bes qabatty úi alańnyń syiqyn ketirip turdy. Kórdińizder me, jóndeý jumystary bastaldy. Qarsy turǵan úidi de qolǵa alady. Sonda jańa alań jańa boiaýmen jarqyraityn bolady", – dedi Baian Alagózova.
Prodiýser qaladaǵy eski ǵimarattardyń jańartylýyn kópten kútkenin aityp, atqarylyp jatqan jumystarǵa kóńili tolatynyn jetkizdi.
