Qazaqstan Respýblikasy Eńbek jáne halyqty áleýmettik qorǵaý ministrliginiń Kóshi-qon komiteti shetelde jumys istegisi keletin qazaqstandyqtarǵa eskertý jasady. Mamandar internet-alaiaqtardan saq bolýǵa shaqyrdy, dep habarlaidy dalanews.kz.
Áleýmettik jeliler men messendjerlerde shetelge tez jumysqa ornalastyrý týraly tartymdy jarnamalar jiilep ketti. Mundai usynystardyń basym bóligi Qazaqstanda resmi tirkelmegen jáne zań aiasynan tys jumys isteitin sheteldik deldaldar men kúmándi uiymdardan túsedi, – dep habarlady Kóshi-qon komitetiniń baspasóz qyzmeti.
Vedomstvonyń málimetinshe, tekserilmegen internet-resýrstar arqyly ońai aqsha tabýǵa umtylý sengish azamattardyń qarjysynan aiyrylýyna jáne basqa da qiyndyqtarǵa tap bolýyna ákelýi múmkin.
Mamandar shetelde qaýipsiz jumysqa ornalasý úshin qujattar men ruqsattardyń bar-joǵyn tekserip, tek resmi tirkelgen jáne akkredittelgen operatorlardyń qyzmetine júginý qajettigin eskertti.
