Qazaqstandyq sportshy David Degtiarev Japoniianyń Aichi men Nagoia qalalarynda ótip jatqan 2026 jylǵy Aziia Para oiyndarynyń chempiony atandy, dep habarlaidy dalanews.kz.
Otandasymyz para paýerliftingten 54 kelige deiingi salmaqta altyn medal jeńip aldy. David Degtiarev 191 kelini baǵyndyryp, Aziia Para oiyndarynyń rekordyn jańartty.
Kúmis medal Qytai sportshysy Ian Tszinlianǵa buiyrsa, Indoneziia ókili Hilman qola júldege ie boldy.
Aita keteiik, bul - Qazaqstan quramasynyń biylǵy Aziia Para oiyndaryndaǵy ekinshi altyny. Buǵan deiin Erkin Ǵabbasov 10 metr qashyqtan pnevmatikalyq myltyqpen nysana kózdeýde (R1) top jaryp, el qorjynyna alǵashqy altyn medaldi salǵan edi.
