Qonaev qalasynda adam ólimine ákelgen jol apatyna qatysty sot otyrysy kezinde jýrnalist Sandýǵash Dúisenova men aiyptalýshy áiel arasynda janjal shyqty. Jýrnalistiń aryzynan keiin politsiia sotqa deiingi tergep-tekserýdi bastady, dep habarlaidy dalanews.kz.
Sandýǵash Dúisenovanyń aitýynsha, sot otyrysyndaǵy úzilis kezinde aiyptalýshy áiel onyń qolyndaǵy telefonyn tartyp almaq bolǵan. Keiin qolynan urǵan. Sonyń saldarynan telefon jerge túsip ketken.
Oqiǵadan keiin jýrnalist Qonaev qalalyq politsiia basqarmasyna júginip, qolyndaǵy dene jaraqattaryn tirketken. Onyń aryzy boiynsha Qazaqstan Respýblikasy Qylmystyq kodeksiniń 109-baby boiynsha sotqa deiingi tergep-tekserý bastaldy.
Jýrnalistiń sózinshe, janjal shyǵarǵan áiel Almaty – Bishkek tasjolynda bolǵan adam ólimine ákelgen jol apaty boiynsha aiyptalyp otyr. Buǵan deiin oǵan QR Qylmystyq kodeksiniń 345-babynyń 3-bóligi boiynsha, iaǵni jol qozǵalysy erejelerin buzyp, abaisyzda adam ólimine sebep bolǵany úshin eki jarym jylǵa bas bostandyǵynan aiyrý jazasy taǵaiyndalǵan.
Atalǵan jol apatynan 25 jastaǵy er adam qaza tapqan. Aiyptalýshy Qarasai aýdanyndaǵy mektepterdiń birinde muǵalim bolyp jumys isteidi. Sot ǵimaratynda bolǵan janjaldyń mán-jaiy sotqa deiingi tergep-tekserý barysynda anyqtalmaq.
