Jýrnalist Rýslan Ótepbai áleýmettik jelidegi paraqshasynda jylqyshy Rahat Sársenovpen qaita kezdeskenin aityp, onyń otbasymen birge jańa páterge qonystanǵanyn jetkizdi.
Ótepbaidyń sózinshe, baspanany aqtóbelik kásipker Azamat esimdi azamat syiǵa tartqan.
"Ardaqty aǵaiyn, araǵa eki ai salyp, jylqyshy Rahat Sársenovpen qaita jolyqtym. Bul jolǵy kezdesý kóńilge qýanysh, boiǵa erekshe qýat syilady. Sebebi Rahat aǵa otbasymen birge jańa páterge qonystandy!Al baspanany syiǵa tartqan – aqtóbelik kásipker. Qiyn sátte qoldaý kórsetip, bir otbasynyń qýanyshyna sebepker bolǵan Azamat myrzaǵa alǵysymyz sheksiz!" – dep jazdy jýrnalist.
Rýslan Ótepbai Rahat Sársenovtiń densaýlyǵy da aitarlyqtai jaqsarǵanyn atap ótti.
"Odan bólek, aǵamyzdyń densaýlyǵy da edáýir jaqsaryp qalǵan. Muny kórip, shyn júrekten qýandym! Qinalǵanǵa qol ushyn sozyp, súringenge súieý bolar azamattarymyz kóp bolsyn! Jaqsylyq jasap jarysaiyq, aǵaiyn", – dep túiindedi ol.
