Almatyda Respýblikalyq fizika-matematika mektebiniń (RFMM) jedel ishek infektsiiasy belgilerimen aýrýhanaǵa túsken oqýshylarynyń sany 55-ke jetti, dep habarlaidy dalanews.kz.
Qalalyq Qoǵamdyq densaýlyq saqtaý basqarmasy málimetinshe, balalar 12-15 qazan aralyǵynda Almatydaǵy balalar qalalyq klinikalyq infektsiialyq aýrýhanasyna túsken. Oqýshylarǵa meditsinalyq kómek kórsetilip jatyr. Naýqastar mamandardyń turaqty baqylaýynda, em qabyldaýǵa barlyq jaǵdai jasalǵan.
"Qazir aýrýhanaǵa túsken balalardyń jaǵdaiy turaqty, dinamikada nasharlaý baiqalmaidy. Jansaqtaý sharalaryn qajet etetin jaǵdailar tirkelgen joq", - dedi basqarma ókilderi.
Aita keteiik, 14 qazanda Almatydaǵy RFMM-nyń 50-ge jýyq oqýshysy jedel ishek infektsiiasy belgilerimen aýrýhanaǵa túsken edi.
