Pavlodardaǵy mektepterdiń birinde belgisiz dáriler tabylǵannan keiin tórt oqýshynyń densaýlyǵy syr bergen. Úsheýi oblystyq balalar aýrýhanasyna júgingen, dep habarlaidy dalanews.kz.
Pavlodar oblysynyń bilim basqarmasynyń málimetinshe, mekteptegi oqý kabinetteriniń birinen ótkir iisi bar dáriler tabylǵan. Sabaq aiaqtalǵannan keiin tórt oqýshy ózin jaisyz sezingen. Meditsinalyq tekserý qorytyndysy boiynsha olardyń jaǵdaiy qanaǵattanarlyq dep baǵalanǵan.
Oqiǵadan keiin mektep ákimshiligi ishki tekserý júrgizgen. Onyń qorytyndysy boiynsha jaýapty qyzmetkerlerge tártiptik sharalar qoldanylǵan.
Al oblystyq densaýlyq saqtaý basqarmasynyń habarlaýynsha, Pavlodar oblystyq balalar aýrýhanasyna 2014 jáne 2015 jyldary týǵan úsh bala júgingen. Olardy kezekshi pediatr teksergen.
Belgisiz dárilerdiń quramy, balalardyń naqty neden zardap shekkeni jáne oqiǵanyń ózge de mán-jailary týraly ázirge qosymsha aqparat berilgen joq.
