Qazaqstanda mádeniet jáne óner qairatkerlerine arnalǵan jańa memlekettik nagradalar engiziledi, dep habarlaidy dalanews.kz.
Quryltai depýtattardyń bastamasymen ázirlengen "Qazaqstan Respýblikasynyń memlekettik nagradalary týraly" Qazaqstan Respýblikasynyń Zańyna ózgerister men tolyqtyrýlar engizý týraly" zań jobasy ekinshi oqylymda maquldanyp, úshinshi oqylymda qabyldandy.
Túzetýler Memleket basshysynyń Quryltaidyń birinshi shaqyrylymynyń birinshi sessiiasynyń ashylýynda mádeniet jáne óner salasyndaǵy memlekettik nagradalar týraly zańnamany jetildirý jóninde bergen tapsyrmasyn oryndaý maqsatynda ázirlendi.
Zańda otandyq mýzyka óneri men án shyǵarmashylyǵyn damytýdaǵy jemisti qyzmeti jáne erekshe eńbegi úshin azamattardy marapattaýǵa arnalǵan "Shámshi Qaldaiaqov" medalin taǵaiyndaý qarastyrylǵan. Sonymen qatar, beineleý ónerindegi úzdik týyndylarymen erekshelengen jáne otandyq kórkem mádenietti damytýǵa erekshe eńbek sińirgen qairatkerler úshin "Qazaqstannyń eńbek sińirgen sýretshisi" qurmetti ataǵy engiziledi.
