Quryltai depýtaty Lázzat Jylqybaeva Bas prokýror Berik Asylovqa, premer-ministrdiń orynbasary - jasandy intellekt jáne tsifrlyq damý ministri Jaslan Mádievke depýtattyq saýal joldady, dep habarlaidy dalanews.kz.
11 qazanda Qazaqstan azamattary "Iandeks" kompaniiasynyń keibir qyzmetterine qol jetkize almady.
"Kompaniia muny sheteldegi infraqurylymdaǵy aqaý dep túsindirdi. Ministrlik qazaqstandyq paidalanýshylardyń jeke deregi saqtalatyn serverler el aýmaǵynda ornalasqanyn málimdegenimen, keibir komponentter Qazaqstannan tys jerde ekenin rastady. Kún saiyn azamattardyń telefon nómiri, mekenjaiy, júrip-turý baǵyty men tólem deregin óńdeitin servistiń sheteldegi bir aqaýdan toqtap qalýy bul derek naqty qai elde, qandai quqyqtyq rejimde óńdeletinin ashyq anyqtaýdy talap etedi", - dedi ol.
Depýtat osy jaǵdaiǵa bailanysty jeke derek transshekaralyq deńgeide berilý-berilmeý zańdylyǵyn tekserý qajet ekenin málimdedi.
