Qazaqstannyń Mádeniet jáne aqparat ministrligi 16 jasqa tolmaǵan balalardyń áleýmettik jelilerdi paidalanýyn shekteý tetigin ázirlep jatyr. Bul týraly Astana Media Week 2026 aiasynda mádeniet jáne aqparat vitse-ministriniń birinshi orynbasary Qanat Ysqaqov málimdedi, dep habarlaidy dalanews.kz.
Onyń aitýynsha, ministrlik tsifrlyq platformalarmen birlesip, kámeletke tolmaǵandardyń áleýmettik jelilerge kirýin retteý joldaryn qarastyryp jatyr. Negizgi qiyndyqtardyń biri – paidalanýshynyń kim ekenin jáne onyń jasyn anyqtaý. Osy máseleni sheshý úshin platformalarmen birlesip, ortaq algoritmder ázirleý josparlanǵan.
Vedomstvo ókili shekteýler WhatsApp pen Telegram messendjerlerine qatysty bolmaitynyn atap ótti.
Bastamanyń maqsaty – balalardy tsifrlyq ortadaǵy qaýip-qaterden qorǵaý. Sonymen birge olardyń bilim alýǵa jáne paidaly aqparatqa qol jetkizý múmkindigi saqtalmaq.
