Qazaqstannyń Joǵary aýditorlyq palatasynyń usynymdary negizinde 2027–2029 jyldarǵa arnalǵan respýblikalyq biýdjet jobasyndaǵy 456 mlrd teńgege qatysty táýekelder joiyldy, dep habarlaidy dalanews.kz.
Joǵary aýditorlyq palata biýdjet jobasyna aldyn ala baǵalaý júrgizip, biýdjettik josparlaý sapasyn arttyrýǵa baǵyttalǵan usynymdar ázirledi. Qujat 14 qazanda Quryltai otyrysynda birinshi oqylymda qaraldy.
Palatanyń málimetinshe, tekserý barysynda damý biýdjetine Memlekettik investitsiialyq jobalar portfeline engizilmegen jobalardy iske asyrýǵa qarajat josparlanǵany anyqtalǵan. Bul Biýdjet kodeksiniń talaptaryna qaishy keledi. Osyǵan bailanysty Palata memlekettik investitsiialyq jobalar portfelin ózektendirýdi usyndy.
Sonymen qatar biýdjet jobasynyń keibir baǵyttary boiynsha qajetti esepteýler men rastaityn qujattar, onyń ishinde nátijelik kórsetkishteri jańartylǵan qarjylyq-ekonomikalyq negizdemeler bolmaǵan.
Osy eskertýlerdi eskere otyryp, biýdjet jobasy Quryltaiǵa engizilgenge deiin 456 mlrd teńgege qatysty biýdjet qujattamasyn túzetý sharalary qabyldanǵan.
Joǵary aýditorlyq palata aldyn ala baǵalaýdyń maqsaty biýdjet shyǵystaryn mehanikalyq túrde qysqartý emes ekenin atap ótti. Onyń negizgi mindeti – biýdjettik teńgerimsizdikterdi anyqtaý, qarajatty negizdi josparlaý jáne tiimsiz bolýy múmkin shyǵyndardyń aldyn alý.
Biýdjet qarajatyn qysqartý nemese qaita bólý jónindegi túpkilikti sheshimdi biýdjet týraly zań jobasyn qaraý kezinde Quryltai depýtattary qabyldaidy.
