Aldaǵy máslihat depýtattarynyń kezekten tys sailaýyn ótkizýge qajetti qarajat Úkimet rezervinen bólinedi. Bul týraly Ulttyq ekonomika ministri Serik Jumanǵarin málimdedi, dep habarlaidy dalanews.kz.
Ministrdiń aitýynsha, sailaý naýqanyna qansha qarjy qajet ekenin Ortalyq sailaý komissiiasy esepteidi. Ol úshin aldymen sailaý naýqanynyń uzaqtyǵy men sailaý ýchaskeleriniń sany anyqtalýy kerek.
«Úkimet rezervinen qarjy bólinedi. Odan jalpyulttyq mańyzy bar bastamalarǵa qarajat bólinýi kerek. Buǵan deiin ótken sailaýlardyń qunyn jariialaǵanbyz. Sailaý naýqanynyń uzaqtyǵy men sailaý ýchaskeleriniń sany belgili bolǵan soń, Ortalyq sailaý komissiiasy qajetti somany esepteidi. Biz sol qarajatty Úkimet rezervinen bólemiz», – dedi Serik Jumanǵarin.
Eske salaiyq, keshe Ortalyq sailaý komissiiasy barlyq deńgeidegi máslihat depýtattarynyń kezekten tys sailaýy ótetin kúndi belgiledi.
