Qazaqstannyń ulttyq ekonomika ministri Serik Jumanǵarin salyq reformasy jyl sońyna deiin el ekonomikasyna keminde 3,6 trln teńge túsim ákeledi dep boljap, onyń nátijesin joǵary baǵalady, dep habarlaidy dalanews.kz.
Premer-ministrdiń orynbasary – ulttyq ekonomika ministri Serik Jumanǵarin Qazaqstandaǵy salyq reformasynyń nátijelerine qatysty pikir bildirdi. Onyń aitýynsha, qazirgi ýaqytta salyq reformasy ekonomikaǵa qarajat túsirýdiń negizgi kózine ainalǵan.
«Qazirgi ýaqytta salyq reformasy – ekonomikadaǵy qolma-qol qarajattyń jalǵyz kózi. Meniń oiymsha, ol jai ǵana sátti bolǵan joq, ózin keremet deńgeide kórsetip otyr», – dedi ministr seisenbi kúni Úkimettegi brifingte.
Jumanǵarinniń boljamynsha, salyq reformasy jyl sońyna deiin ekonomikaǵa keminde 3,6 trln teńge túsim ákeledi.
Ministr ótken jyldyń sońynda reformadan 4 trln teńgeden astam túsim alý josparlanǵanyn eske saldy. Toǵyz aidyń qorytyndysy boiynsha 3 trln teńge túsken.
Onyń aitýynsha, Qazaqstan ekonomikasy munai óndirý kólemi 6 mln tonnaǵa azaiǵanyna, teńgeniń nyǵaiýyna jáne tutynýshylyq kreditteý sektorynyń baiaýlaýyna qaramastan, 4,2%-ǵa ósken.
