Қазақстанның ұлттық экономика министрі Серік Жұманғарин салық реформасы жыл соңына дейін ел экономикасына кемінде 3,6 трлн теңге түсім әкеледі деп болжап, оның нәтижесін жоғары бағалады, деп хабарлайды dalanews.kz.
Премьер-министрдің орынбасары – ұлттық экономика министрі Серік Жұманғарин Қазақстандағы салық реформасының нәтижелеріне қатысты пікір білдірді. Оның айтуынша, қазіргі уақытта салық реформасы экономикаға қаражат түсірудің негізгі көзіне айналған.
«Қазіргі уақытта салық реформасы – экономикадағы қолма-қол қаражаттың жалғыз көзі. Менің ойымша, ол жай ғана сәтті болған жоқ, өзін керемет деңгейде көрсетіп отыр», – деді министр сейсенбі күні Үкіметтегі брифингте.
Жұманғариннің болжамынша, салық реформасы жыл соңына дейін экономикаға кемінде 3,6 трлн теңге түсім әкеледі.
Министр өткен жылдың соңында реформадан 4 трлн теңгеден астам түсім алу жоспарланғанын еске салды. Тоғыз айдың қорытындысы бойынша 3 трлн теңге түскен.
Оның айтуынша, Қазақстан экономикасы мұнай өндіру көлемі 6 млн тоннаға азайғанына, теңгенің нығаюына және тұтынушылық кредиттеу секторының баяулауына қарамастан, 4,2%-ға өскен.
