12-15 qazan aralyǵynda Astanada Halyqaralyq atom energiiasy agenttiginiń (MAGATE) missiiasy ótip jatyr. Halyqaralyq sarapshylar Qazaqstanǵa atom elektr stantsiiasyn salýǵa qajetti infraqurylymdy keshendi baǵalaýǵa daiyndalýǵa kómektesedi. Bul týraly Qazaqstannyń Atom energiiasy jónindegi agenttigi habarlady, dep habarlaidy dalanews.kz.
Missiia barysynda sarapshylar Qazaqstannyń ulttyq ózin-ózi baǵalaý esebin talqylap, ondaǵy málimetterdi naqtylaidy. Sondai-aq eldiń iadrolyq infraqurylymyna keshendi sholý jasaityn negizgi INIR missiiasyna deiin atqarylýy qajet jumystardy aiqyndaidy.
Baǵalaý baǵdarlamasy 19 baǵytty qamtidy. Olardyń qatarynda iadrolyq jáne radiatsiialyq qaýipsizdik, iadrolyq nysandardy qorǵaý, zańnamalyq baza, qarjylandyrý, mamandar daiarlaý, elektr jelileriniń daiyndyǵy jáne iadrolyq otyn tsikline qatysty máseleler bar. Jumysqa Qazaqstannyń Atom energiiasy jónindegi agenttigi, «Qazaqstandyq atom elektr stantsiialary» kompaniiasy jáne «Qazatomónerkásip» ókilderi qatysady.
Qazaqstanda birneshe atom elektr stantsiiasyn salý josparlanǵan. Alǵashqysy – Almaty oblysyndaǵy Úlken aýylynyń mańynda boi kóteretin «Balqash» AES-i. Jobany júzege asyratyn konsortsiýmnyń jetekshisi retinde Reseidiń «Rosatom» kompaniiasy tańdalǵan.
2026 jylǵy 3 qyrkúiekte «Qazaqstandyq atom elektr stantsiialary» kompaniiasy «Rosatomnyń» enshiles kásiporny – «Atomstroieksportpen» AES jobalaý, jabdyqtaý jáne qurylysyn júrgizý jónindegi kelisimshartqa qol qoiǵan. Joba boiynsha VVER-1200 úlgisindegi eki energoblok salý kózdelgen. Stantsiiany 2035-2036 jyldary paidalanýǵa berý josparlanyp otyr.
