Shymkentte Qairat Nurtastyń kontsertinde bolǵan oqiǵadan keiin ustalǵan uiymdastyrýshy úiqamaqqa jiberildi. Qala prokýratýrasy málimetinshe, sot kúdiktige bultartpaý sharasyn qaraǵan, dep habarlaidy dalanews.kz.
Buǵan deiin ol ustalyp, ýaqytsha ustaý izoliatoryna qamalǵan edi.
"Sot kúdiktini qamaýda ustaýǵa sanktsiia berýden bas tartyp, oǵan úiqamaq túrindegi bultartpaý sharasyn tańdady", - dedi Shymkent prokýratýrasy ókilderi.
Eske salaiyq, buǵan deiin ánshiniń Shymkenttegi kontserti qylmystyq ispen aiaqtalǵan bolatyn. Aldyn ala málimetke sáikes satylǵan bilet sany kontsert alańynyń ruqsat etilgen syiymdylyǵynan edáýir asyp ketken. Bul adamdar shamadan tys jinalýyna ákep soǵyp, kórermenderdiń qaýipsizdigine qater tóndirgen.
Adamdar qysylyp qalýy saldarynan 18 jastaǵy qyz jaraqat alyp, aýrýhanaǵa jetkizilgen. Kontsert uiymdastyrýshysy, iaǵni 1984 jyly týǵan L. ustalyp, ýaqytsha ustaý izoliatoryna qamalǵan bolatyn.
