Túrkistan oblysynda tikelei efirde balaǵat sóz aitqan strimer jaýapqa tartyldy, dep habarlaidy dalanews.kz.
Kópshilik aldynda ádepten ozǵan strimerdiń áreketi politsiia nazarynan tys qalmaǵan. Túrkistan oblysynda politseiler áleýmettik jelilerge monitoring júrgizý barysynda TikTok platformasyndaǵy "Ǵashyqtar" akkaýntynda jariialanǵan tikelei efirden óreskel quqyqbuzýshylyqty anyqtaǵan.
"Áiel adam mádenietti saqtamai, ózge azamattyń ar-namysy men qadir-qasietine tietin balaǵat sózder aityp, ádepsiz áreketke jol bergen. Politsiia qyzmetkerleri tekseris barysynda onyń Ordabasy aýdanynyń 32 jastaǵy turǵyny ekenin anyqtady. Ózgeni kópshilik aldynda balaǵattaǵan áiel politsiia bólimine jetkizilip, áreketine quqyqtyq baǵa berildi. Nátijesinde sot sheshimimen strimerge 20 AEK mólsherinde aiyppul salyndy. Sondai-aq, profilaktikalyq túsindirý jumystary júrgizildi", - dedi IIM ókilderi.
