Bas prokýratýra Qazaqstan azamatyn Reseiden ekstraditsiialady, dep habarlaidy dalanews.kz.
Tergeý dereginshe, kúdikti Almaty qalasy jáne Qazaqstannyń basqa da aýmaǵynda mefedron óndirýmen, ótkizýmen ainalysqan uiymdasqan qylmystyq top qurǵany, oǵan basshylyq etkeni anyqtalǵan. Ol 2021 jyldan bastap aqshaǵa muqtaj adamdardy qylmystyq áreketke tartqan. Qatysýshylar psihotrop zattardy óndirý, tasymaldaý, ólshep-oraý jáne taratý boiynsha ártúrli mindet atqarǵan, al olardyń áreketi Telegram messendjeri arqyly qashyqtan úilestirilgen.
2024 jyly uiymdastyrýshynyń nusqaýymen Almaty qalasynda birneshe esirtki zerthanasy jabdyqtalǵan. Olardyń birinde psihotrop zattardy óndirý barysynda eki qatysýshy ýlanyp, qaitys bolǵan. Biraq qylmystyq áreket toqtamaǵan.
2024 jylǵy 19 qyrkúiekte politsiia qyzmetkerleri zerthanalardyń biriniń qyzmetin toqtatqan. Tintý barysynda 24 keliden asa himiialyq zat, jabdyqtar, qorǵanysh quraldary, daiyn ónim tabylǵan.
2025 jylǵy shildede kúdikti Resei aýmaǵynda ustalyp, Bas prokýratýranyń suraýy boiynsha elge ekstraditsiialandy. Ol tergeý izoliatoryna qamaldy.
