Memleket basshysy premer-ministrmen jáne Quryltai tóraǵasymen konsýltatsiialar ótkizdi, dep habarlaidy dalanews.kz.
Memleket basshysy premer-ministrmen jáne Quryltai tóraǵasymen barlyq deńgeidegi máslihattardyń ókilettigin merziminen buryn toqtatý máselesi boiynsha konsýltatsiia ótkizdi.
Qasym-Jomart Toqaev azamattardyń zańdy múddelerin qamtamasyz etý, jergilikti biýdjetterdi bekitý jáne óńirlerdiń damýyn baqylaý úshin máslihattardyń tolyqqandy jumysy mańyzdy ekenin atap ótti. Prezident depýtattyq korpýsty jańartý jergilikti ókildi organdardyń qyzmetin edáýir kúsheitetinine senim bildirdi.
Qazaqstan Respýblikasy Konstitýtsiiasynyń 88-babynyń 5-tarmaǵyna sáikes júrgizilgen konsýltatsiialar barysynda premer-ministr Oljas Bektenov pen Quryltai tóraǵasy Aibek Dádebai qarastyrylyp otyrǵan máselege qatysty óz usynystaryn jetkizdi.
Kezdesý qorytyndysy boiynsha Prezident Konstitýtsiianyń negizgi erejelerine sáikes jáne aitylǵan pikirlerdi eskere otyryp, túpkilikti sheshim qabyldaitynyn aitty.
