Estoniia 2035 jylǵa qarai merzimdi áskeri qyzmetke shaqyrylatyn áielder sanyn jylyna shamamen 50-den 200-ge deiin arttyrýdy josparlap otyr, óitkeni týý kórsetkishiniń tómendeýi ásker qataryna qajetti azamattardy tek er adamdar arasynan jinaýdy qiyndatýy múmkin, dep habarlaidy dalanews.kz.
Estoniianyń Qorǵanys resýrstary departamentiniń bas direktory Aný Rannaveskidiń aitýynsha, eldegi demografiialyq ózgerister aldaǵy jyldary áskerge shaqyrý josparyn oryndaýǵa áser etedi. Qazir elde jyl saiyn shamamen 8 myń ul bala dúniege kelse, týý deńgeiiniń tómendeýine bailanysty bul kórsetkish bolashaqta 4-5 myńǵa deiin azaiýy múmkin.
Sonymen qatar Estoniianyń qorǵanys kúshteri jyl saiyn merzimdi áskeri qyzmetke 4100 adamǵa deiin shaqyrýdy josparlap otyr. Sondyqtan qajetti áskeri rezervti qalyptastyrý úshin áielderdi de qyzmetke kóbirek tartý máselesi kóterilip otyr. Rannaveskidiń málimetinshe, 2035 jylǵa qarai jyl saiyn birneshe júz áieldi qosymsha tartý qajettiligi týyndaýy múmkin.
Qazirgi ýaqytta Estoniiada áielder úshin merzimdi áskeri qyzmet erikti túrde óteledi. Mundai múmkindik 2013 jyly engizilgen. Sodan beri jyl saiyn shamamen 50 áiel áskerge barady. Bul jalpy shaqyrylýshylar sanynyń 1-2 paiyzyna teń.
Rannaveskidiń aitýynsha, áielderdi mindetti áskeri qyzmetke shaqyrý tártibi áli naqty bekitilmegen. Bul másele saiasi deńgeide talqylanýy kerek. Bir nusqa retinde qyzmetke úmitkerlerdi olardyń yntasy, bilimi, tájiribesi men áskeri daiyndyqqa jaramdylyǵyna qarai irikteý qarastyrylýy múmkin. Mundai tásil Shvetsiia, Norvegiia jáne Daniia siiaqty elderde qoldanylady.
Departament basshysy qoǵamda áielderdiń áskeri qyzmet atqarýyna kózqaras ózgerip kele jatqanyn da atap ótti. Onyń aitýynsha, saýalnama nátijeleri turǵyndardyń shamamen 80 paiyzy áielderdiń áskerde qyzmet etý múmkindigin qoldaitynyn kórsetedi. Alaida áielder úshin mindetti áskeri qyzmet engizýdi qoldaityndar nebári 5-6 paiyzdy quraidy. Kópshilik erikti formatty qoldaidy.
Estoniianyń Qorǵanys resýrstary departamenti áielder men erlerdiń fizikalyq daiyndyǵyna qoiylatyn talaptar jynysy men jasyna qarai erekshelenetinin, al áskeri daiarlyqtyń ózi ortaq bólimshelerde júrgiziletinin habarlady. Rannaveski áielderdiń áskeri qyzmetke keńinen tartylýy memlekettik biýdjetke qosymsha shyǵyn ákelmeidi dep esepteidi.
Qazirgi talqylaýlar ázirge áielderdi mindetti áskeri qyzmetke shaqyrý týraly túpkilikti sheshim qabyldanǵanyn bildirmeidi. Negizgi maqsat – demografiialyq ózgerister jaǵdaiynda eldiń qorǵanys kúshterin qajetti kadrlarmen jáne rezervpen qamtamasyz etý.
