Qazaqstanda barlyq deńgeidegi máslihat depýtattarynyń kezekten tys sailaýy 2026 jylǵy 29 qarashaǵa belgilendi. Bul týraly Ortalyq sailaý komissiiasy tóraǵasynyń orynbasary Muhtar Erman málimdedi, dep habarlaidy dalanews.kz.
Ortalyq sailaý komissiiasy tiisti qaýly qabyldaǵan. Buǵan deiin Memleket basshysy qoldanystaǵy máslihattardyń ókilettigin merziminen buryn toqtatý týraly sheshim shyǵarǵan.
Qasym-Jomart Toqaev máslihattardy merziminen buryn taratýǵa partiialyq júiedegi ózgeristerdi jáne Amanat partiiasynyń «Ádilet» partiiasyna qosylýynan keiin depýtattardyń edáýir bóliginiń legitimdigine qatysty máseleni sebep etken.
Qoldanystaǵy máslihattardyń ókilettigi merziminen buryn toqtatylǵan jaǵdaida, jańa sailaýdy Prezident jarlyǵy negizinde Ortalyq sailaý komissiiasy taǵaiyndaidy. Daýys berý eki aidan keshiktirilmei ótkizilýge tiis.
