Qazaqstanda júrgizýshi kýáligin alý emtihandaryn tapsyrý erejesi ózgerdi, dep habarlaidy dalanews.kz.
IIM kólikti tirkeý qaǵidalaryna da ózgerister ázirlegen.
"Artyq rásimder alyp tastaldy. Kólikti qaita jabdyqtaǵannan keiin ony bólek qaratýdyń qajeti joq. Engizilgen ózgeris qaýipsiz ekenin rastaityn qujat bolsa jetkilikti. Emtihandy birinshi ret tapsyra almasańyz, kelesi jumys kúni qaita tapsyrýǵa bolady. Ekinshi ret te sátsiz bolsa, daiyndalýǵa 10 kún beriledi. Teoriialyq nemese praktikalyq emtihannan úsh ret óte almasańyz, sol emtihandy keiin qaita tapsyrý aqyly bolady. Bul shara emtihanǵa qosymsha daiyndalý úshin engizilip otyr. Sonymen qatar, teoriialyq emtihandy tapsyryp, praktikalyq emtihannan óte almasańyz, teoriiadan alǵan nátijeńiz saqtalady", - dedi IIM ákimshilik politsiia komiteti basqarma bastyǵynyń orynbasary Aqtoty Boranova.
Al sheteldik júrgizýshi kýáligin Qazaqstan kýáligine aýystyrý úshin aldymen teoriialyq emtihan tapsyrý qajet.
"Budan bólek, jol qaýipsizdigine jaýapty ýákiletti organ kýálikti bergen elge resmi suraý jiberedi. Ol eldiń quzyretti organy kýálik túpnusqa ekenin rastaǵannan keiin ǵana kýálik aýystyrylady. Bul - jalǵan qujattardan qorǵaý sharalary" - dedi ol.
