Básekelestikti qorǵaý jáne damytý agenttigi inDrive servisine aldyn ala eskertý joldady, dep habarlaidy dalanews.kz.
Oǵan 11 qazanda "Iandeks Go" servisi ýaqytsha qoljetimsiz bolýyna bailanysty jolaqysy edáýir qymbattaǵany týraly habarlamalar negiz bolǵan.
Agenttik málimetinshe, qoldanýshylar taksi shaqyrýǵa arnalǵan balama platformalarǵa jappai aýysýy nátijesinde inDrive qyzmetine suranys aitarlyqtai artqan. Tipti keibir jaǵdailarda sapar quny úsh esege jýyq ósken.
inDrive servisiniń jumys isteý ereksheligine bailanysty sapar quny jolaýshy men júrgizýshi arasyndaǵy kelisim boiynsha belgilenedi. Alaida bos kólikterdiń tapshylyǵy júrgizýshiler usynatyn tarif edáýir ósýine ákep soqqan.
"Kásipkerlik kodekstiń 174-babyna sáikes tutynýshylardyń aiqyndalmaǵan tobynyń zańdy quqyǵyna nuqsan keltiretin áreket básekelestikti qorǵaý salasyndaǵy zańnamany buzý belgileri bolýy múmkin. Osyǵan bailanysty agenttik Kásipkerlik kodekstiń 198-baby 1-tarmaǵyna sáikes jazbasha aldyn ala eskertý joldady", - dedi agenttik ókilderi.
