Ázerbaijanda mektepte hidjab kiiýge tyiym salýǵa qarsy narazylyqqa qatysqan 37 adam ustaldy, dep habarlaidy dalanews.kz.
Ázerbaijanda mektep formasyna qatysty jańa erejelerge bailanysty jappai narazylyq ótti. 21 qyrkúiekte el biligi mektep formasynyń birkelkiligine qaishy keletin nemese bilim berýdiń zaiyrly sipatyna sáikes kelmeitin kiim elementterine tyiym salatyn qujatty bekitti.
Qujatta "hidjab" sózi tikelei atalmaǵanymen, qazannyń basynan beri áleýmettik jelilerde osy kiimdi kigen oqýshy qyzdardy sabaqqa kirgizbegen jaǵdailar týraly aqparat taraǵan.
Baký qalasynda narazylyq sharalary ótip, oǵan júzdegen adam qatysty. Ázerbaijannyń Ishki ister ministrligi 37 adam ustalǵanyn habarlady.
Vedomstvo málimetinshe, ustalǵandar janjal shyǵaryp, memlekettik bilim berý mekemelerine ziian keltirgen, kólik qozǵalysyna jáne oqý oryndarynyń qalypty jumysyna kedergi keltirip, qoǵamdyq tártipti buzǵan.
