Atyraý qalasynyń 28 jastaǵy turǵyny Aqtóbede qyz balany óltirdi degen kúdikke ilindi. Bul týraly Aqtóbe oblysy politsiia departamentiniń baspasóz qyzmeti habarlady, dep habarlaidy dalanews.kz.
«Atalǵan fakti boiynsha qylmystyq is qozǵaldy. Aqtóbede áieldi óltirdi degen kúdikpen Atyraý qalasynyń 28 jastaǵy turǵyny anyqtalyp, ýaqytsha ustaý izoliatoryna qamaldy», – delingen politsiia habarlamasynda.
Aldyn ala málimet boiynsha, kúdikti men marqum buǵan deiin tanys bolǵan. Olardyń arasynda janjal týyndap, er adam qyz balany pyshaqtaǵan. Zardap shekken qyz oqiǵa ornynda kóz jumǵan.
Qazir oqiǵanyń mán-jaiyn anyqtaý úshin tergeý amaldary júrgizilip jatyr. Qylmystyń sebebi men maqsaty anyqtalýda. Tergeý barysy oblystyq politsiia departamenti basshylyǵynyń baqylaýynda.
Eske salaiyq, osyǵan uqsas jaǵdai biyl Shymkentte bolǵan edi. Nurai Serikbai esimdi qyzdy Sherhan Aimahan esimdi jigit kóshede pyshaqtap ketken bolatyn. Nurai men Sherhan da buǵan deiin tanys bolǵan. Artynsha bul is qoǵamda qyzý talqyǵa túsip, sot protsesi birneshe ýaqytqa sozylyp, kúdikti Sherhan Aimahan ómir boiyna bas bostandyǵynan aiyrylǵan edi.
