Túrkistan oblysy Qazyǵurt aýdanynda politsiiaǵa jeke turǵyn úidiń shatyrynan qomaqty aqsha tabylǵany týraly habarlama túsken., dep habarlaidy dalanews.kz.
Oqiǵa ornyna barǵan politsiia qyzmetkerleri tekserý barysynda 5 million teńgeden astam aqsha salynǵan birneshe paketti tapty.
Janashyr turǵyndar qart áieldiń úiin jóndep berýge niet bildirip, iske kirisken. Jóndeý jumystary shatyrǵa jetkende, olar sol jerden birneshe paketke salynǵan qomaqty qarajat taýyp alǵan. Sodan janashyr turǵyndar birden politsiia qyzmetkerlerine habar bergen. Úi iesiniń aitýynsha, ol qarajatty jyldar boiy jinaǵan. Qajetti is-sharalar ótkizilip, barlyq jaǵdai anyqtalǵannan keiin aqsha zańdy iesine qaitarylady.
Politsiia eskertedi: eger bóten bireýdiń múlki nemese aqshalai qarajaty tabylsa, bul týraly quqyq qorǵaý organdaryna tez arada habarlaý qajet. Ýaqytyly habarlaý mán-jailardy dereý anyqtaýǵa jáne azamattardyń zańdy quqyqtary men múddelerin qorǵaýdy qamtamasyz etýge múmkindik beredi.
