Aqmola oblysynyń Esil qalasynda aýdandyq aýrýhanada terapevt bolyp jumys istegen 38 jastaǵy áieldiń denesi óz úiinen tabyldy. Buǵan deiin ol qylmystyq is boiynsha kýáger retinde Kókshetaýǵa baryp, tergeý amaldaryna qatysqan, dep habarlaidy dalanews.kz.
Aqparatqa sáikes, tergeý kezinde dárigerdiń uialy telefony tárkilengen. Úiine oralǵannan keiin áiel jumysqa shyqpaǵan. Ony izdei bastaǵan áriptesteri men týystary keiin marqumdy úiinen tapqan.
Oqiǵa ornynan anasyna arnalǵan qoshtasý haty tabylǵany habarlandy. Onda: "Saǵynatyn bolamyn", - dep jazylǵan.
Politsiia sýitsidke deiin jetkizý deregi boiynsha sotqa deiingi tergeý bastaǵan. Aldyn ala málimet boiynsha, áiel ózine qol jumsaǵan.
Ázirge dárigerdiń qazasy jaýap alýmen nemese ózge de tergeý áreketterimen bailanysty ekeni anyqtalǵan joq. Quqyq qorǵaý organdary oqiǵanyń sebepteri men mán-jaiyn tekserip jatyr.
