Qazaqstan Prezidenti Qasym-Jomart Toqaev elge memlekettik saparmen kelgen Belgiia koroli Filipp pen patshaiym Matildamen birge Ulttyq mýzeidi aralap, qazaq halqynyń tarihi-mádeni murasymen tanysty, dep habarlaidy dalanews.kz.
Mártebeli qonaqtar mýzeidiń sáýlettik erekshelikterin jáne Uly dalanyń tarihyn tanystyratyn ekspozitsiialardy tamashalady. Ásirese, Altyn zalǵa nazar aýdaryldy. Onda Esik qorǵanynan tabylǵan «Altyn adam», sondai-aq Berel, Taldy-2, Taqsai jáne Shilikti qorǵandarynan shyqqan altyn buiymdar qoiylǵan.
Etnografiia zalynda Belgiianyń koroldik juby qazaq halqynyń salt-dástúri, turmysy, materialdyq jáne rýhani mádenieti týraly málimet aldy.
Sondai-aq qonaqtarǵa belgiialyq sýretshi Djeims Ensordyń shyǵarmalary usynyldy. Sapar sońynda korol Filipp pen patshaiym Matilda Qurmetti qonaqtar kitabyna estelik jazba qaldyrdy.
