Mańǵystaý oblysynda Kaspii teńiziniń jaǵalaýynan 15 itbalyqtyń óleksesi tabyldy. Olardyń neden ólgeni ázirge belgisiz. Bul týraly 13 qazanda Aýyl sharýashylyǵy ministrligi habarlady, dep habarlaidy dalanews.kz.
Vedomstvonyń málimetinshe, «Kaspii itbalyǵy» memlekettik tabiǵi rezervatynyń inspektorlary 12 qazanda Túpqaraǵan aýdanyndaǵy Baýtin aýylynyń batys jaǵalaýyn tekserý kezinde janýarlardyń ólekselerin anyqtaǵan. Buǵan deiin, 11 qazanda Aqtaý turǵyny Baýtin aýyly mańyndaǵy uzyndyǵy 2,5–3 shaqyrym bolatyn jaǵalaýdan birneshe itbalyqtyń óleksesin kórgenin habarlaǵan. Ol túsirgen fotosýretterin Lada.kz basylymyna joldaǵan.
Aýyl sharýashylyǵy ministrliginiń Ekologiia departamenti mamandary teńiz sýy men topyraqtan synama alǵan. Jaqyn arada sanitarlyq talaptardy saqtai otyryp, jaǵalaýdy tazartý jumystary júrgiziledi. Itbalyqtardyń qyrylý sebebi zerthanalyq saraptama nátijesi shyqqannan keiin belgili bolady.
Ministrlik mamandarynyń túsindirýinshe, kóktem men kúzde soǵatyn soltústik-batys jáne batys baǵytyndaǵy qatty jel itbalyqtardyń ólekselerin teńiz jaǵalaýyna shyǵaryp tastaýy múmkin.
