Qazaqstanda shetel azamattary men azamattyǵy joq adamdarǵa JSN berý jáne ony túzetý tártibi ózgerýi múmkin. Ishki ister ministrligi tiisti buiryq jobasyn ázirlep, qoǵamdyq talqylaýǵa shyǵardy, dep habarlaidy dalanews.kz.
Jobaǵa sáikes, JSN rásimdeý nemese buryn berilgen nómirge túzetý engizý kezinde ótinish berýshiniń Qazaqstanda bolý nemese turý zańdylyǵy tekseriledi. Ol úshin azamat týraly málimetter immigranttardyń etalondyq derekter bazasymen salystyrylady.
Vedomstvonyń túsindirýinshe, usynylyp otyrǵan ózgerister memlekettik qyzmet kórsetý kezinde paidalanylatyn málimetterdiń durystyǵyn arttyrýǵa jáne shetel azamattarynyń elde zańdy bolýyn tekserýge múmkindik beredi.
Ózgerister Ishki ister ministriniń 2020 jylǵy 27 naýryzdaǵy №258 buiryǵymen bekitilgen erejelerge engizilmek.
Qujattyń qoǵamdyq talqylaýy 2026 jylǵy 28 qazanǵa deiin jalǵasady. Demek, ázirge bul usynys, jańa talaptardyń qabyldanǵany týraly aqparat joq.
