قازاقستان پرەزيدەنتٸ قاسىم-جومارت توقاەۆ ەلگە مەملەكەتتٸك ساپارمەن كەلگەن بەلگييا كورولٸ فيليپپ پەن پاتشايىم ماتيلدامەن بٸرگە ۇلتتىق مۋزەيدٸ ارالاپ, قازاق حالقىنىڭ تاريحي-مەدەني مۇراسىمەن تانىستى, دەپ حابارلايدى dalanews.kz.
مەرتەبەلٸ قوناقتار مۋزەيدٸڭ سەۋلەتتٸك ەرەكشەلٸكتەرٸن جەنە ۇلى دالانىڭ تاريحىن تانىستىراتىن ەكسپوزيتسييالاردى تاماشالادى. ەسٸرەسە, التىن زالعا نازار اۋدارىلدى. وندا ەسٸك قورعانىنان تابىلعان «التىن ادام», سونداي-اق بەرەل, تالدى-2, تاقساي جەنە شٸلٸكتٸ قورعاندارىنان شىققان التىن بۇيىمدار قويىلعان.
ەتنوگرافييا زالىندا بەلگييانىڭ كورولدٸك جۇبى قازاق حالقىنىڭ سالت-دەستٷرٸ, تۇرمىسى, ماتەريالدىق جەنە رۋحاني مەدەنيەتٸ تۋرالى مەلٸمەت الدى.
سونداي-اق قوناقتارعا بەلگييالىق سۋرەتشٸ دجەيمس ەنسوردىڭ شىعارمالارى ۇسىنىلدى. ساپار سوڭىندا كورول فيليپپ پەن پاتشايىم ماتيلدا قۇرمەتتٸ قوناقتار كٸتابىنا ەستەلٸك جازبا قالدىردى.
