Qazaqstanda kelesi jyly zeinetaqy men áleýmettik tólemder indeksteledi. Bul týraly Quryltaida ótken brifingte premer-ministrdiń orynbasary - ulttyq ekonomika ministri Serik Jumanǵarin málimdedi, dep habarlaidy dalanews.kz.
Serik Jumanǵarin tólemderdi indeksteýge qosymsha 739 milliard teńge qarastyrylǵanyn aitty. Bul qarajattyń basym bóligi zeinetaqyǵa baǵyttalady.
Sheneýnik áleýmettik tólemder men járdemaqylardy indeksteý mindetti ekenin jetkizdi.
Sonymen qatar, Qazaqstanda eń tómengi jalaqy 2027 jyly ósýi múmkin. Serik Jumanǵarinniń aitýynsha, biýdjet jobasynda ázirge eń tómengi jalaqy mólsheri 85 myń teńge deńgeiinde belgilengen.
Úkimet jalaqyny kóterýdiń túrli nusqasyn qarastyrǵanymen, olar ázirge biýdjet jobasyna engizilmegen.
