Qazaqstanda eń tómengi jalaqyny kóterý máselesi úkimet deńgeiinde talqylanyp jatyr, alaida 2027 jylǵa arnalǵan biýdjet jobasynda ázirge bul maqsatqa qarajat qarastyrylmaǵan, dep habarlaidy dalanews.kz.
Bul týraly Premer-ministrdiń orynbasary, Ulttyq ekonomika ministri Serik Jumanǵarin Quryltaida ótken brifingte málimdedi.
Onyń aitýynsha, eń tómengi jalaqyny arttyrý máselesi Úkimet pen Prezident Ákimshiligi deńgeiinde qarastyrylyp jatyr. Ministr jaqyn arada naqty sheshim qabyldanýy múmkin ekenin aitty.
«Eger kóteriletin bolsa, kelesi jyldan bastap kúshine enedi», – dedi Jumanǵarin.
Sonymen qatar ol eń tómengi jalaqyny arttyrýdyń biýdjetke jáne ekonomikaǵa áseri eleýli bolatynyn atap ótti. Sondyqtan mundai sheshimdi jan-jaqty baǵalap, saldaryn eskere otyryp qabyldaý qajet.
Qazirgi ýaqytta 2027 jyly eń tómengi jalaqynyń naqty qansha teńgege ósetini jáne ózgeris engizile me, joq pa — belgisiz. Úkimet ázirge túpkilikti sheshim jariialaǵan joq.
