قازاقستاندا ەڭ تٶمەنگٸ جالاقىنى كٶتەرۋ مەسەلەسٸ ٷكٸمەت دەڭگەيٸندە تالقىلانىپ جاتىر, الايدا 2027 جىلعا ارنالعان بيۋدجەت جوباسىندا ەزٸرگە بۇل ماقساتقا قاراجات قاراستىرىلماعان, دەپ حابارلايدى dalanews.kz.
بۇل تۋرالى پرەمەر-مينيستردٸڭ ورىنباسارى, ۇلتتىق ەكونوميكا مينيسترٸ سەرٸك جۇمانعارين قۇرىلتايدا ٶتكەن بريفينگتە مەلٸمدەدٸ.
ونىڭ ايتۋىنشا, ەڭ تٶمەنگٸ جالاقىنى ارتتىرۋ مەسەلەسٸ ٷكٸمەت پەن پرەزيدەنت ەكٸمشٸلٸگٸ دەڭگەيٸندە قاراستىرىلىپ جاتىر. مينيستر جاقىن ارادا ناقتى شەشٸم قابىلدانۋى مٷمكٸن ەكەنٸن ايتتى.
«ەگەر كٶتەرٸلەتٸن بولسا, كەلەسٸ جىلدان باستاپ كٷشٸنە ەنەدٸ», – دەدٸ جۇمانعارين.
سونىمەن قاتار ول ەڭ تٶمەنگٸ جالاقىنى ارتتىرۋدىڭ بيۋدجەتكە جەنە ەكونوميكاعا ەسەرٸ ەلەۋلٸ بولاتىنىن اتاپ ٶتتٸ. سوندىقتان مۇنداي شەشٸمدٸ جان-جاقتى باعالاپ, سالدارىن ەسكەرە وتىرىپ قابىلداۋ قاجەت.
قازٸرگٸ ۋاقىتتا 2027 جىلى ەڭ تٶمەنگٸ جالاقىنىڭ ناقتى قانشا تەڭگەگە ٶسەتٸنٸ جەنە ٶزگەرٸس ەنگٸزٸلە مە, جوق پا — بەلگٸسٸز. ٷكٸمەت ەزٸرگە تٷپكٸلٸكتٸ شەشٸم جارييالاعان جوق.
