Almatydaǵy Respýblikalyq fizika-matematika mektebiniń 47 oqýshysynyń jedel ishek infektsiiasynyń belgilerimen aýrýhanaǵa túsýine bailanysty qylmystyq is qozǵaldy, dep habarlaidy dalanews.kz.
Almaty qalalyq politsiia departamentiniń málimetinshe, is Bostandyq aýdandyq politsiia basqarmasynyń janyndaǵy politsiia bóliminde tirkelgen.
Qazir oqiǵanyń mán-jaiyn anyqtaý úshin tergeý áreketteri júrgizilip jatyr. Politsiia sanitariialyq-epidemiologiialyq baqylaý qyzmetiniń tekserý qorytyndysyn da eskeretinin habarlady. Tergeý nátijesinde tiisti protsessýaldyq sheshim qabyldanady.
Buǵan deiin 12–13 qazanda RFMM-niń 47 oqýshysy jedel ishek infektsiiasynyń belgilerimen qalalyq balalar klinikalyq infektsiialyq aýrýhanasyna jatqyzylǵany habarlanǵan bolatyn. Taǵy segiz oqýshy mektep-internatta oqshaýlanyp, meditsinalyq baqylaýǵa alynǵan.
Sanitariialyq-epidemiologiialyq baqylaý departamentiniń nusqamasymen mekteptiń, internattyń jáne ashananyń jumysy ýaqytsha toqtatyldy. Mamandar zerthanalyq taldaýǵa synamalar alǵan.
Aita keteiik, Almatydaǵy RFMM-niń 47 oqýshysy ishek infektsiiasyna kúdikpen aýrýhanaǵa tústi. Taǵy segiz bala oqshaýlanyp, mekteptiń, internattyń jáne ashananyń jumysy ýaqytsha toqtatyldy.
