«Iandeks Go» servisindegi aýqymdy aqaýdan keiin taksige suranys kúrt artty. Jolaýshylar jolaqysy úsh esege jýyq qymbattaǵanyna shaǵymdandy. Osy jaǵdaiǵa bailanysty Básekelestikti qorǵaý jáne damytý agenttigi inDrive kompaniiasyna resmi eskertý jasady, dep habarlaidy dalanews.kz.
Alaida kompaniia bul aiyptaýlarmen kelispeidi. inDrive málimetinshe, suranys eń joǵary bolǵan ýaqytta da servis jelisi boiynsha jol júrýdiń ortasha quny 519 teńgeden artyq óspegen. Keiin baǵa turaqtalǵan. Kompaniia jolaqynyń qymbattaýyn bos kólikterdiń jetispeýimen túsindiredi. Suranys artqan kezde jolaýshylar taksi tezirek tabý úshin ózderi usynatyn aqyny kótergen.
Baǵany turaqtandyrý úshin servis Qazaqstannyń 17 iri qalasynda «Saýdalaspai» tarifin iske qosty. Sonymen qatar jolaýshylar men júrgizýshiler usyna alatyn baǵa aralyǵy shekteldi. Júrgizýshilerdi kóbirek tartý maqsatynda servis komissiiany 1 paiyzǵa deiin tómendetti. Sondai-aq kólikterdi tekserip, tirkeýmen ainalysatyn qyzmetkerler sanyn eki ese arttyrdy.
Eske salaiyq, Básekelestikti qorǵaý jáne damytý agenttigi inDrive servisine aldyn ala eskertý joldaǵan bolatyn. Oǵan 11 qazanda "Iandeks Go" servisi ýaqytsha qoljetimsiz bolýyna bailanysty jolaqysy edáýir qymbattaǵany týraly habarlamalar negiz bolǵan.
Oqi otyryńyz:
"Iandeks" bir kúnde kúiregennen keiin Qazaqstanda otandyq taksi platformasy ázirlenýi múmkin be?
